په‌یاما سه‌رۆك بارزانی بۆ وه‌غه‌را دۆماهیێ یا پێشمەرگە و خەباتکار مستەفا ئامێدی

سه‌رۆك بارزانی بۆ وه‌غه‌را دۆماهیێ یا پێشمەرگە و خەباتکار مستەفا ئامێدی پەیامەك بەڵاڤکر و راگەهاند: مستەفا ئامێدی شۆڕشگێر و قەهرەمان و هەڵگرێ مەدالیا بارزانی و وەفادارێ ڕێبازا کوردایەتی و نیشتیمانپەروەریێ بوو

دەقی په‌یاما سه‌رۆك بارزانی بۆ وه‌غه‌را دۆماهیێ یا پێشمەرگە و خەباتکار مستەفا ئامێدی

ب ناڤێ خودایێ مه‌زن و دلۆڤان

ب خه‌م و كۆڤانه‌كا مه‌زنڤه‌ خه‌به‌رێ وه‌غه‌را دۆماهیێ یا تێکۆشەر و خەباتگێڕێ گەلێ مه‌ و پێشمه‌رگێ هه‌ردوو شۆڕه‌شێن ئەیلوول و گوڵانێ (مستەفا حوسێن محەمەد ئامێدی) ناسیار ب مدیر گه‌هشته‌ من.

مستەفا ئامێدی شۆڕشگێر و قەهرەمان و هەڵگرێ مەدالیا بارزانی و وەفادارێ ڕێبازا کوردایەتی و نیشتیمانپەروەریێ بوو و، ژیانا خۆ پێخەمەت دۆزا مللەتێ خۆ تەرخان کر و نموونێ مێرخاسی و ماندینه‌ناسیێ بوو و ژ ده‌ست دانا وی خوساره‌ته‌كا مه‌زنه‌.

سەرەخۆشیێ ل بنەماڵە و خزم و کەسوکارێت خودێ ژێ رازی و هەمی خەباتگێڕ و پێشمەرگێت کوردستانێ دکەم و خۆ ب هه‌ڤپشكێ خەما وان دزانم.
داخازا من ژ خودایێ مه‌زن ئه‌وه‌ ڕۆحا خودێ ژێ رازی مستەفا ئامێدی ب به‌هه‌شتا به‌رین شاد بكه‌ت و سه‌بر و هه‌دارێ بده‌ته‌ هه‌می لایه‌كێ.

انا للە و انا الیە راجعون

مسعود بارزانی
۳ی نیسانا ۲٠۲۳