لیوا چەتۆ ساڵح: ڕێككەوتنەكەی دوێنێ بڕیاری دروست و بوێرانەی مەسرور بارزانی بوو  بڕیاری دروست و کاری باش پێویستە ستاییش بکرێت

بریکاری وەزارەتی ناوخۆی حکومەتی هەرێمی کوردستان رایدەگەیێنێت : ڕێككەوتنەكەی دوێنێ بڕیاری دروست و بوێرانەی مەسرور بارزانی بوو  بڕیاری دروست و کاری باش پێویستە ستاییش بکرێت.

لیوا چەتۆ ساڵح بریکاری وەزارەتی ناوخۆی حکومەتی هەرێمی کوردستان لە هەژماری خۆیدا لە تۆڕی كۆمەڵایەتیی فەیسبووك  نووسیوویەتی: “ئیمزاكردنی رێككەوتنەكەی دوێنێ، سەرکەوتنێکی گەورە و زەمانەتێکی گرنگ و تۆکمە و ستراتیژییە بۆ زیاتر به فەرمیبوونی سەروەتە نیشتمانییەکەمان لەناو دامەزراوەی وزەی عێراقی و جیهانیدا.”

دەشڵێ:” رێككەوتنەكە، بڕیارێکی دروست و بوێرانەی سەرۆکی حکومەت بوو، ئەم رێكکەوتنە وەرچەرخان و قۆناغێکی نوێ و هەستەناوەیەك دەبێت بۆ بووژاندنەوەی ژێرخانی ئابووری، هەروەها سوودمەندی سەرەکییش کۆمەڵانی خەڵکی کوردستان دەبن.

بریكاری وەزارەتی ناوخۆ ئاماژەشی بەوە كردووە: “ئەم رێككەوتنە زامنی سەقامگیریی ئابووری و مادی دەبێت بۆ گشت هەرێمی کوردستان، هەروەک کۆتایی بە دڵەڕاوکێ و مشتومڕ و بێنەوبەردەش دێنێت، لە کۆتاییدا دەمەوێت بڵێم ئەم بڕیارەی سەرۆکی حکومەتی هەرێمی کوردستان، بڕیارێکی دروست و کارێکی باشە و پێویستە ستایش بکرێت.”