ئەو کەسەی لە هەولێر قورئانی سووتاند و کێلی گۆڕەکانی شکاند لەلایەن هێزەکانی ئاسایشەوە دەستگیرکرا

بەڕێوەبەرایەتیی ئاسایشی هەولێر رایدەگەیێنێت : ئەو کەسەی لە هەولێر قورئانی سووتاند و کێلی گۆڕەکانی شکاند لەلایەن هێزەکانی ئاسایشەوە دەستگیرکرا

دەقی راگەیەندراوی بەڕێوەبەرایەتیی ئاسایشی هەولێر :-

دوای روودانی شکاندنی ژمارەیەک کێلی گۆڕ و سووتاندنی قورئانی پیرۆز، لە هەردوو گۆڕستانی شێخ ئەحمەد و گۆڕستانی سەید عومەر لە شاری هەولێر، تیمەکانمان لە بەڕێوەبەرایەتیی ئاسایشی هەولێر، دەستیان بە لێکۆڵینەوه‌ی ورد کرد.

پاش کۆکردنەوەی زانیاریی پێویست، تیمەکانمان توانییان کەسی تۆمەتبار بەناوی (ح. ص. م. ط) لەدایکبووی ساڵی 1986 و دانیشتووی گەڕەکی سێبەردانی شاری هەولێر دەستنیشان بکەن.
ئه‌مڕۆ، لەسەر فەرمانی بەڕێز دادوەری لێکۆڵینەوەی ئاسایشی هەولێر، تۆمه‌تبار دەستگیر کرا و دانی ناوه‌ به‌ ئه‌نجامدانی ئه‌و کاره‌ی له‌سه‌ری ده‌ستگیر کراوه‌.

بەڕێوەبەرایەتیی ئاسایشی هەولێر
30ی نیسانی 2023