جبوری بۆ عوبێدی، تۆمه‌ته‌كانت سوكایه‌تیه به دامه‌زراوه‌كانی ده‌وڵه‌ت
رۆژی چوارشه‌ممه 3ی ئابی 2016 د. سه‌لیم جبوری سه‌رۆكی ئه‌نجومه‌نی توێه‌رانی عێراق، سكاڵای یاسایی لەدادگای لێكۆڵینەوەی كەرخ لەدژی خالید عوبێدی وەزیری بەرگری تۆماركرد. لەبەرانبەر ئەوەی عوبێدی ناوبراوی بە تێوەگلان لە گەندەڵی تۆمەتبار كردبوو.
دوای ئه‌وه‌ی خالد عوبێدی وه‌زیری به‌رگری عێراق، به تۆمه‌تی گه‌نده‌ڵی سه‌رۆكی په‌رله‌مانی تاوانباركرد، داواكاری گشتی ئه‌و وڵاته‌ش سكاڵای یاسایی له دژی جبوری تۆماركرد.
هه‌روه‌ها جبوری رایگه‌یاند: تۆمه‌ته‌كانی عوبێدی سوكایه‌تیه به دامه‌زراوه‌كانی ده‌وڵه‌ت و تیمێكی پارێزەرانمان پێكهێناوە بۆ بەدواداچونی ئەو هه‌وڵانه‌ی بەمەبەستی چەواشەكردنی رای گشتی ئاراستەمان كراوە.
