لە دهۆک بە گوژمەی 13 ملیار دینار دەست بە جێبەجێکردنی پرۆژەیەکی گرنگ دەکرێت
![](https://xwakurk.com/wp-content/uploads/2023/06/٢٠٢٣٠٦٠١_١١٠٨٥٦.jpg)
حکومەتی هەرێمی کوردستان، لە دهۆک بە گوژمەی 13 ملیار دینار دەست بە جێبەجێکردنی پرۆژەی ئۆڤەرپاسی بناڤێ دەکات.
ئیسماعیل مستەفا، بەرپرسی پەیوەندی و راگەیاندنی سەرۆکایەتیی شارەوانیی دهۆک، رایگەیاند: ” لەلایەن حکومەتی هەرێمی کوردستان بڕیار دراوە و، فەرمانی کارگێڕیش بۆ دەستپێکردنی پرۆژەی ئۆڤەرپاسی ترافیکی بناڤێ لە دهۆک دەرچووە و ئەم پرۆژەیە بە گوژمەی 13 ملیار دینار لەلایەن کۆمپانیای کاڤینگرووپەوە جێبەجێ دەکرێت.
گوتیشی:” پرۆژەکە لە دوو یوتێرن پێک هاتووە کە یەکێکیان لە نزیک خواردنگەی گەڤەرکییە و ئەوی دیکەش دەکەوێتە نزیک شندۆخ. هەروەها بە درێژایی شەش هەزار مەتر رێگای خزمەتگوزاری دروست دەکرێت و لە قۆناغی یەکەمدا هەردوو لای رێگاکە دروست دەکرێت و لە قۆناغی دووەمیشدا ئەندەرپاس و ئۆڤەرپاس دروست دەکرێت .