سێ گرووپی مەترسیداری بازرگانی کردن بە ماددەی هۆشبەر دەستگیر کران
بەڕێوەبەرایەتی گشتی نەهێشتنی ماددەهۆشبەرەکان لە راگەیێندراوێکدا ئەمڕۆ سێشەممە، رایگەیاند:” سێ گرووپی مەترسیداری بازرگانی کردن بە ماددەی هۆشبەریان دەستگیر کردووە.
راشیگەیاندووە:” یەکێک لەم گرووپانە هەوڵیانداوە ئافرەت و کچی نەوجوان بەکاربهێنن بۆ بڵاوکردنەوەو تووشکردنی کەسانی تر بەم ماددە مەترسیدارە.
دەقی راگەیاندراوی بەڕێوەبەرایەتی گشتی نەهێشتنی ماددەهۆشبەرەکان:-
تیمەکانی بەڕێوەبەرایەتی نەهێشتنی ماددەھۆشبەرەکان، دوای کۆکردنەوەی زانیاری و بەدواداچوونی بەردەوام و گرتنەبەری رێکارەیاساییەکان ، لە رۆژانی ٤ و ٥ ی ئەم مانگە، سێ گرووپی بازرگانی کردن بە مادەی هۆشبەرەکانیان دەستگیرکردووە کە پێکهاتوون لە ١٠ کەس، یەکێک لەم گرووپانە هەوڵیانداوە ئافرەت و کچی نەوجوان بەکاربهێنن بۆ بڵاوکردنەوە و تووشکردنی کەسانی تر بەم ماددە مەترسیدارە.
تەواوی دەستگیرکراوان پەڕاوی لێکۆڵینەوەیان بۆ کراوەتەوە و دانیان بەتاوانەکانیان ناوەوە و رووبەڕووی یاسا کراونەتەوە.
بەڕێوەبەرایەتی نەهێشتنی ماددە هۆشبەرەکان
٢٠٢٣/٦/٦
