مەسرور بارزانی پێشوازی له وهزیری تهندروستی ئوردن دهكات
![](https://xwakurk.com/wp-content/uploads/2023/06/20230612_151959.png)
سهرۆكی حكومهتی ههرێمی كوردستان پێشوازی له وهزیری تهندروستی ئوردن كرد و پهرهپێدانی پهیوهندییهكانی نێوانیان گفتوگۆی لهبارهوه كرا.
ئەمڕۆ دووشەممە 12ـی 6ـی 2023، مەسرور بارزانی، سەرۆكی حكومەتی هەرێمی كوردستان، لە پێگەی تایبەتیی خۆی، لە تۆڕی كۆمەڵایەتیی (فەیسبووك) رایگەیاندووە: ئەمڕۆ پێشوازیمان لە بەڕێز فیراس ئەلهەواری، وەزیری تەندروستی شانشینی هاشمیی ئوردنی و شاندێکی یاوەری کرد.
سەرۆكی حكومەت باسی لەوەش كردووە: وەزیری تەندروستی ئوردن، سڵاو و رێزی خاوەنشکۆ شا عەبدوڵلای دووەمی شای ئوردنی پێگەیاندین و ئامادەیی وڵاتەکەشی بۆ هەموو هاریکاری و هەمانگییەک لەگەڵ حکومەتی هەرێمی کوردستان دەربڕی.
مەسرور بارزانی هەروەها دەڵێت: لە کۆبوونەوەکەدا ئاماژەمان بە پەیوەندی مێژوویی و تایبەتی نێوان هەرێمی کوردستان و ئوردن دا، سوپاس و پێزانینی هەرێمی کوردستانمان بۆ هاریکاریی و پشتیوانیی بەردوامیی ئوردن و بەتایبەتی خاوەنشکۆ شا عەبدوڵلا لە هەرێمی کوردستان دووپات کردەوە.
سەرۆكی حكومەت ئاماژەی بەوەش داوە، كە تەوەرێکی سەرەکیی گفتوگۆکانیان، پەرەپێدانی پەیوەندیی دوولایەنە لە بواری تەندروستی و سوودوەرگرتن لە ئەزموونی سەرکەوتووی شانشینی ئوردن بوو لەو بوارەدا.
![](https://www.basnews.com/media/k2/galleries/811256/346651662_811614640325604_1641827658623037908_n.jpg)
![](https://www.basnews.com/media/k2/galleries/811256/346649758_811614716992263_1081182643477111166_n.jpg)
![](https://www.basnews.com/media/k2/galleries/811256/346627473_811614660325602_4483517361916060848_n.jpg)
![](https://www.basnews.com/media/k2/galleries/811256/346828744_811614573658944_2058630915028989967_n.jpg)
![](https://www.basnews.com/media/k2/galleries/811256/347260761_811614770325591_8613892713421713232_n.jpg)