پەیامێك لە سەرۆك بارزانییەوە: بە توندی سەرکۆنەی سووتاندنی قورئانی پیرۆز دەکەین

لە پەیامێکدا، سەرۆک بارزانی بە توندی سەرکۆنەی سووتاندنی قورئانی پیرۆز دەکات و لە بەشێکی رایگەیاند، كردەی ناڕەوای سووتاندنی قورئانی پیرۆز بە هیچ شێوەیەك ناچێتە چوارچێوەی ئازادیی رادەربڕین و هیچ پاساوێك هەڵناگرێت.

دەقی پەیامی سەرۆک بارزانی :

بەناوی خودای بەخشندە و میهرەبان

كردەی ناڕەوای سووتاندنی قورئانی پیرۆز بە هیچ شێوەیەك ناچێتە چوارچێوەی ئازادیی رادەربڕین و هیچ پاساوێك هەڵناگرێت. ئەمە برینداركردنی هەست و سۆزی تێكڕای موسوڵمانانی جیهانە و زۆر بە توندی سەركۆنەی دەكەین. ئەم جۆرە كردەوانە دژی گیانی تەبایی و پێكەوەژیانە و خزمەتی گوتاری تاریكی و بڵاوكردنەوەی رق و كینە دەكات و لەسەر هەموو لایەك پێویستە رێگری لێ بكەن.

مسعود بارزانی

29ی حوزەیرانی 2023