شەقامێكی سەرەکی لە دهۆك قیرتاو كرا
وەزارەتی شارەوانی و گەشتوگوزاری حکومەتی هەرێمی کوردستان رایگەیاند:” لە چوارچێوەی پرۆژە خزمەتگوزارییەكانی شارەوانی، پرۆژەی قیرتاوكردنی شەقامێكی 20مەتری كە شەقامێكی سەرەكییە لە شاری دهۆك جێبەجێ كرا.
راشیگەیاند:” درێژایی شەقامەكە (1180)م و پانی (20)م و كەوتووەتە كەرتی 45ی ماسكێ لە سنووری سەرۆكایەتی شارەوانی دهۆك.
هاوكات لە سنووری شاری دهۆك ئێستا ژمارەیەك پرۆژەی ستراتیژی تر جێبەجێ دەكرێن، لەوانە پرۆژەی دروستكردنی ئەندەرپاس و ئۆڤەرپاسی و یوتێرنی مالتا بە گوژمەی زیاتر 13 ملیار دینار بە تەواوبوونی كاریگەرییەكی یەكجار زۆر باشی لەسەر رێكخستنەوەی هاتووچۆ و كەمكردنەوەی جەنجاڵی لە شاری دهۆكدا دەبێت.
