مه‌سرور بارزانی یه‌كه‌یه‌كی نیشته‌جێبوون ده‌كاته دیاری بۆ خانه‌واده‌ی هه‌نار ته‌ها
ئالان حەمە سەعید، وەزیری پەروەردەی حکومەتی هەرێمی کوردستان رایگەیاند، مەسرور بارزانی، سەرۆکی حکومەتی هەرێمی کوردستان، یەکەیەکی نیشتەجێ بوون دەکاتە دیاری بۆ خانەوادەی قوتابی “هەنار تەها نوری ” یەکەمی کوردستان لە بەشی وێژەیی لە قەزای چەمچەماڵ.
وەزیری پەروەردە گوتیشی، مەسرور بارزانی رایسپاردووە، لە قەزای چەمچەماڵ سەردانی ئەو قوتابییە و خانەوادەکەیان بکات.
راشیگەیاند، سەرۆکی حکومەتی هەرێمی کوردستان خەڵاتی دەبێت بۆ هەموو یەکەمەکان.
