نۆژیان ئارهان: ڕۆژنامەنوسە یان فەرماندەی سەربازی پەكەكە بوو
خواكوڕك
پاش بڵاو كردنەوەی هەواڵی كوژرانی كچە گەریلایەك بەناوی نۆژیان ئارهان كەگوایە ناوبراو رۆژنامەنووس بووە، لەلایان پەكەكەوە ویستراوە بە رۆژنامەنووس رای گشتی پێ چەواشە بكرێت، لە بەدوای بەدواداچوونێكی خواكوڕك دەركەوت ئەو كچە نەك گەریلا بووە بەڵكو فەرماندەی گەریلاش بووە لە چەند شەرێكدا”.
بەگوێرەی زانیاریەكانی دەستی خواكوڕك كەوتووە نۆژیان ئارهان لە ساڵی ۱۹٨۰ لە باکوری کوردستان لە شاری ئورفا لە دایک بووە، ناوی ڕاستەقینەی (توبا ساڵحە)، دایکی ناوی (دوریایە)،لە ساڵی ۲۰۰۱ پەیوەندی بە پەکەکەوە کردووەو لە قەندیل مەشق و ڕاهێنانی سەربازی پێ کراوەو دواتر نێردراوە بۆ سەربازگەی ئاڤاشین لە نزیک زاخۆو دوای نۆ مانگ دەکرێتە بەرپرسی گروپێکی سی و دوو کەسی لە سنوری نێوان عێراق و ئێران.
هەر بەگوێرەی زانیاریەكان، پاش مانەوەی لەو سنورە بۆ ماوەی دوو ساڵ دواتر دەبرێتەوە بۆ قەندیل و دەخرێتە ڕیزی گروپی موستەفا قەرە سوو دواتر دەبێتە بەرپرس لە ڕاگەیاندنی پەکەکەو تا ساڵی ۲۰۰۹ لەوێ دەمێنێتەوە، دواتر ڕەداسپێردرێت بۆ دروست کردنی پەیوەندی لە نێوان قەندیل و مەخمورو شیلادزێ و ڕانیە تا مانگی شەشی ۲۰۱۱ و دواتر دەبرێتە سوریاو لە سەربازگەی قەرەچوخ و پاشانیش بۆتە گەیەنەری تەواوی زانیاریەکانی سوریاو خۆرئاوای کوردستان بە سەرکردایەتی پەکەکە لە قەندیل تا ساڵی ۲۰۱٥.
لە دواتر دەکرێتە پەیامنێر لە یەکێک لە دامەزراوەکانی میدیای پەکەکە ئەمە جگەی لەوەی وەک کادرێکی پێشکەوتوی حیزبی بەردەوام لە پەیوەندیدا بووە لەگەڵ سەرکردایەتی پەکەکە، وەک چەکدارێکی پەکەکە بەشداری جەنگەکانی کردووەو لەهەمان کاتدا بە کامێرا دۆخی جەنگی بۆ سەروی خۆی گواستۆتەوە، لە کاتی هێرشی چەکدارانی پەکەکە بۆ سەر پێشمەرگەکانی ڕۆژئاوا نۆژیان ئارهان یەکێک دەبێت لەو چەكدارانەی كە هێرش دەكەن سەر پێشمەرگە و بە دوو فیشەک بریندار دەبێت لە دواوە کەیەکێکیان بەر شانی چەپی و ئەوی تربەر لای ڕاست سەری دەکەوێت”.
دوای بریندار بوونی دەبرێتە نەخۆشخانەی مەیدانی و دواتر بۆ نەخۆشخانەی نیشتمانیی حەسەکەو پاشانیش بۆقامیشلۆ، دوای مانەوەی زۆ ماوەی چوار ڕۆژ دۆخی تەندرویستی ڕوەو باشبون دەچێت و دواتر دەیبرێتەوە نەخۆشخانەی حەسەکە،بەڵام لە بری باشتر بوون لەوێ گیان لە دەستت دەدات.
ئەمە لە کاتێکدا زۆربەی بریندارانی پەکەکە گرنگیان پێدەدرێت و دەبرێنە نەحۆشخانەکانی دیمەشق بۆ چارەسەر،بەڵام پێکرانی نۆژیان ئارهان لە پشتەوەو ئیهمالکردنی وێڕای جێگیربوونی باری تەندروستی جێگەی پرسیارو تێڕامانە، ئامانجەكەی دیارە كە بۆ چەواشەكاری رای گشتی بووەو پەكەكە بە ئەنقەست ئیهمالی كردووە بۆ ئەوەی رایگشتی پێ دروست بكات، بلێت پارتی رۆژنامەنووسێكی كوشت”.
