پارتی بۆ گۆڕان: جەخت لە هاوپەیمانێتی و هەماهەنگی نێوانمان دەکەینەوە

لە پەیامێکدا مەکتەبی سیاسیی پارتی پیرۆزبایی ساڵیادی دامەزراندنی بزووتنەوەی گۆڕان لە رێکخەری گشتی و ئەندامانی جڤاتی گشتی و نیشتیمانیی بزووتنەوەکە دەکات و رایدەگەیێنێت: “لەم بۆنەیەدا رۆڵی بزووتنەوەکەتان لە پڕۆسەی سیاسیی هەرێم بەرز دەنرخێنین، هەروەها دووبارە جەخت لە هاوپەیمانێتی و هەماهەنگی نێوانمان دەکەینەوە”.

دەقی پەیامەکەی مەکتەبی سیاسی پارتی دیموكراتى كوردستان

برووسکەی پیرۆزبایی مەکتەبی سیاسیی پارتی دیموكراتى كوردستان

بۆ (14)یەمین ساڵیادی دامەزراندنی بزووتنەوەی گۆڕان

بەڕێزان ڕێکخەری گشتی و ئەندامانی جڤاتی گشتی و نیشتیمانیی بزووتنەوەی گۆڕان.

بە بۆنەی (14)یەمین ساڵیادی دامەزراندنی بزووتنەوەی گۆڕان پیرۆزباییەکی گەرم لە ئێوەی بەڕێز و ئەندام و لایەنگرانی حزبەکەتان دەکەین و، هیوای بەردەوامی و سەرکەوتنتان بۆ دەخوازین لە خزمەتکردنی دۆزی ڕەوای گەلەکەمان.

لەم بۆنەیەدا رۆڵی بزووتنەوەکەتان لە پڕۆسەی سیاسیی هەرێم بەرز دەنرخێنین، هەروەها دووبارە جەخت دەکەینەوە سەر هاوپەیمانێتی و هەماهەنگی نێوانمان و سەرجەم هێز و لایەنە سیاسییەکانی کوردستان بۆ داکۆکیکردن لە دەستکەوتەکانمان و بەدیهێنانی گشت مافەکانمان.

هیوادارین هەموو لایەنەکان دڵسۆزانە و بەرپرسانە هەنگاوبنێن بۆ ئەنجامدانی پرۆسەی هەڵبژاردن و چارەسەرکردنی کێشە و گیروگرفتەکان و پتەوترکردنی بنەماکانی هەماهەنگی و دەستەبەرکردنی ئایندەیەکی رۆشن و شایستە بۆ گەلەکەمان.

دووبارە یادی دامەزراندنی بزووتنەوەکەتان پیرۆز بێت، هەر سەرکەوتوو بن.

مەکتەبی سیاسیی

پارتی دیموكراتى كوردستان

25ـی 7ـی