حکومەتی هەرێم بڕیاری خەرج کردنی نزیکەی ملیارێک دیناری بۆ دهۆک دا
حکومەتی هەرێمی کوردستان گوژمەی 952 ملیۆن دینار بۆ دروستكردنی شەقام لە سنووری شارەوانی تەناهی شاری دهۆک خەرج دەكات.
وەزارەتی شارەوانی و گەشتوگوزار رایگەیاند:” بەپێی فەرمانێكی وەزاری، رەزامەندی نیشاندا لەسەر خەرجكردنی گوژمەی 952 ملیۆن دینار بۆ دروستكردنی شەقامی ناوخۆیی لە سنووری شارەوانیی تەناهی لە پارێزگەی دهۆك.
وەك لە فەرمانەكەی وەزارەتی شارەوانی و گەشتوگوزاردا هاتووە، ئەو گوژمەیە لەسەر رێژەی (100%)ی داهاتی فرۆشتنی زەویی روكنی شارەوانی لە سەرۆكایەتیی شارەوانیی تەناهی سەر بە بەڕێوەبەرایەتیی گشتیی شارەوانییەكانی دهۆك بۆ دروستكردنی شەقامی ناوخۆیی لە كەرتی 10 دلب لە تەناهی، قۆناغی یەكەم رەزامەندی لەسەر خەرجكردنی درا.
