پارتی دوای خیانەتی ١٦ی ئۆکتۆبەر لە هەڵبژاردنی پەرلەمانی کوردستان و پەڕلەمانی عێراق بووە هێزی یەکەمی کوردستان و عێراق
ئەوەی ئێستا دەگوزەری دەرئەنجامی خیانەتی ١٦ی ئۆکتۆبەرە، لەو بەروارەوە بوو کورد شکایەوە، پلانی ئەوان گورز وەشاندن بوو لەپارتی ئیتر لایان گرنگ نەبوو بەهۆی ئەو گورزەوە کوردستان و قەوارەی هەرێم چی بەسەر دادێت
بەڵام دواتر چی رویدا؟!
پارتی دوای ئەو خیانەتە لە هەڵبژاردنی پەرلەمانی کوردستان و پەڕلەمانی عێراق بووە هێزی یەکەمی کوردستان و عێراق، پاشان دوای چوار ساڵ، هەرچەند ئەوانەی خیانەتەکەی ١٦ی ئۆکتۆبەریان تۆمارکرد نەک هەر نەیانوێرا بێنە ناو هەڵبژاردنی پەرلەمانی کوردستان بەڵکو رێگربوون لەئەنجامدانیشی، لەهەڵبژاردنی پەرلەمانی عێراقیشدا خراپتر لەجاری پێشوو دۆڕانەوە، ئەو تاقمە خیانەتکارە تێک و پێک شکان، چەندین جیابوونەوەو کوتلەبازی و تیرۆرکردن کەوتە نێویانە، بەکوردی و بەکوردی ئێستا ئەوان حیزب نەماون بەڵکو بوونەتە کوتلەیەک لەچەند تاقمێکی مافیایی و تارمایی ترس و تۆقاندن.
ئێستاش هەمان دەستەوتاقم، هەرچەندە بەخەیاڵی گڵاویان لەسەر هەمان ئامانج و پیلانگێری ١٦ی ئۆکتۆبەر لەکارکردن بەردەوامن لەدژی قەوارەی هەرێم و خۆدی پارتیان کردۆتە ئامانج، بەڵام دڵنیابن چۆن چەندین جاری پێشوو شکستیان هێنا، دیسانەوە شکست دەهێننەوەو پارتی لەئێستاش لەجاران بەهێزترو بەهێزتر دەبیننەوە، ئەوانیش شکستێکی تر تۆماردەکەنەوە، چونکە شکست پێیان فێرە.
نیازحاجی
