سەرۆك بارزانی پێشوازی لە كونسوڵی نوێی ئەمریكا دەكات
رۆژی پێنجشەممە 24ی ئابی 2023 لە سەلاحەددین سەرۆك مەسعود بارزانی پێشوازی لە بەڕێز مارك سترۆ كونسوڵی گشتیی نوێی ئەمریكا لە هەرێمی كوردستان كرد.
لە دیدارەكەدا كونسوڵی تازەی ئەمریكا خۆشحاڵیی خۆی دەربڕی كە ئەو دەرفەتەی هەیە لە هەرێمی كوردستان كار بكات و وێڕای ئاماژەپێدان بە پەیوەندییە مێژووییەكانی وڵاتەكەی لەگەڵ هەرێمی كوردستان لە قۆناغە جیاجیاكاندا، رۆڵی سەرۆك بارزانی لە گەشەپێدانی ئەو پەیوەندییانە و رووبەڕووبوونەوەی تیرۆر بەرز نرخاند و جەختی لە بەردەوامیی هەماهەنگی و كاری هاوبەشی نێوان ئەمریكا و هەرێمی كوردستان كردەوە.
هەر لەو دیدارەدا سەرۆك بارزانی هیوای سەركەوتنی بۆ كونسوڵی نوێی ئەمریكا خواست و رۆشنایی خستەسەر بارودۆخی سیاسیی عێراق و ناوچەكە و مەترسیی مانەوەی تیرۆر، و هەروەها بەردەوامیی هاوكاری و هەماهەنگیی نێوان ئەمەریكا و هەرێمی كوردستان لە شەڕی تیرۆر و بوارە جۆراوجۆرەكانی تر بە پێویست زانی.
#Xwakurk #خواکوڕك
