بە فەرمانی مەسرور بارزانی، بەڕێوەبەرایەتییەکی نوێ لە ئیدارەی راپەڕین دەکرێتەوە
سەرۆکی حکومەتی هەرێمی کوردستان ، فەرمانی کردنەوەی بەڕێوەبەرایەتییەکی نوێی لە ئیدارەی راپەڕین دەرکرد.
فەرمانگەی میدیا و زانیاری حکومەتی هەرێمی کوردستان رایگەیاند:” بە فەرمانی مەسرور بارزانی، سەرۆکوەزیرانی هەرێمی کوردستان، بەڕێوەبەرایەتیی گشتیی رێگاوبان، ئاوەدانکردنەوە و نیشتەجێکردن لە ئیدارەی سەربەخۆی راپەڕین دەکرێتەوە.
راشیگەیاندووە:” کردنەوەی ئەم بەڕێوەبەرایەتییە نوێیە، بە مەبەستی سەرپەرشتیکردن و بەدواداچوونی پڕۆژەکانی رێگاوبان، ئاوەدانکردنەوە، نیشتەجێکردن و گەیاندنی خزمەتگوزارییە بۆ هاووڵاتییان و بەهێزکردن و پشتیوانیکردنی ئیدارە سەربەخۆکانی هەرێمی کوردستان.
ئەوەش خراوەتە روو کە:” بەڕێوەبەرایەتیی گشتیی رێگاوبان، ئاوەدانکردنەوە و نیشتەجێکردن سەر بە وەزارەتی ئاوەدانکردنەوە و نیشتەجێکردنی حکومەتی هەرێمی کوردستان دەبێت.
