پەرلەمانتارێكی ئەسەد: پەیەدە ڕێگری لە سەربەخۆیی كورد دەكات
خواكوڕك
دوای ئەوەی كە پەیەدە لە رۆژئاوای كوردستان لەرێگای دەسەڵاتی خۆ سەپێنی چالاكی نەتەوەی و ئاڵای كوردستانی قەدەغەكرد, لەگەڵ ئەوەی كە هەماهەنگی نێوان رژێمی سوریاو پەیەدە بە جۆرێكە كە زۆرجار پەیەدە وەك نوێنەری رژێمی سووریا مامەلە دەكات, لە دواهەمین لێدوانی میدیای پەرلەمانتارێكی سەر بە رژێمی ئەسەد, رایدەگەیەنێت, ئەوانەی ئێستە لە ناوچەكەن زۆرینەیان دژی سەربەخۆیین و ڕێگری لە دابەشبوونی خاكی سووریا دەكەن و خۆیان سەربەخۆیییان ناوێ.
ئالان بەكر پەرلەمانتاری ڕژێمی ئەسەد و نوێنەری ناوچەكانی دەوروبەری حەلەب لە پەرلەمانی رژێمی بەعسی سووریا لە دیدارێكی ڕۆژنامەوانیدا دەڵێ، كوردەكان لە سەرەتا و كۆتادا هاوڵاتیی سووریان، ئەوەی هەمانە ئەوانیش هەیانە، ئەوان بەشێكی بنەڕەتین لە كۆمەڵگەی سووریا و زۆرینەیان نایانەوێ جیا ببنەوە.
لەبەشێكی دیكەی قسەكانیدا ئەو پەرلەمانتارەی رژێمی سوریا دەڵێت:” هیچ پێویست ناكات دیمەشق ڕووبەڕووی سەربەخۆیی كوردەكان ببێتەوە، چونكە ئەوان خۆیان ڕووبەڕووی ئەوە دەبنەوە و سەربەخۆیییان ناوێ، بەشێكیان هاتنەوە حەسەكە و بارەگای سەربازییان دانا و دەستیان بە كێشە دروستكردن كرد، بەڵام كوردەكان خۆیان دژیان وەستانەوە و شوێنەكانیان داخستن.
شایەنی باسە ئەو قسانەی پەرلەمانتارەكەی ئەسەد لە كاتێكدایە پێشتر ساڵح موسلیم و ئاسیا عەبدوڵا هاوسەرۆكانی پەیەدە بە توندی دژی جیابوونەوەی ڕۆژئاوای كوردستان لە سووریا لێدوانیان داوە.
