مەسرور بارزانی، بڕیاری تەرخانکردنی زه‌وی بۆ دروستكردنی بنكه‌یه‌كی ته‌ندروستی له شێخان دا
وەزارەتی شارەوانی و گەشتوگوزاری حكومه‌تی هه‌رێمی كوردستان رایگەیاند، مەسرور بارزانی، سەرۆكی حكومەتی هەرێمی كوردستان بڕیاریدا بە تەرخانكردنی پارچەیەك زەوی شارەوانی بۆ دروستكردنی بنكەی تەندروستی لە گوندی كیس قه‌لعە، لە سنووری قەزای شێخان.
راشیگەیاندووە، بە گوێرەی بڕیارەكەی سەرۆكی حكومەتی هەرێمی كوردستان، لەپێناو بەرژەوەندیی گشتی و پێویستیی دانیشتوانی سنوورەكە، رووبەڕی (2،000م2) زەوی بۆ دروستكردنی بنكەی تەندروستی لە گوندی كیس قه‌لعە و دەوروبەری لە سنووری قەزای شێخان تەرخان دەكرێت.
