سەرۆك بارزانی پێشوازی لە باڵیۆزی كۆماری ئیسلامی ئێران لە عێراق دەكات
![](https://xwakurk.com/wp-content/uploads/2023/09/20230911_161556.jpg)
رۆژی دووشەممە 11ی ئەیلوولی 2023 لە سەڵاحەددین سەرۆك مەسعود بارزانی پێشوازی لە بەڕێز محەمەد كازم ئال سادق، باڵیۆزی كۆماری ئیسلامی ئێران لە عێراق و شاندێكی یاوەری كرد.
لە دیدارەكەدا باڵیۆزی كۆماری ئیسلامی ئێران لە عێراق، سوپاسی سەرۆك بارزانی و هەرێمی كوردستانی كرد بۆ پێشكەشكردنی ئاسانكاری و خزمەتگوزاری بۆ زیارەتكارانی ئێرانی و جەختیشی لە بەرەوپێشبردنی پەیوەندییەكانی نێوان هەرێمی كوردستان و كۆماری ئیسلامی ئێران كردەوە.
بارودۆخی سیاسی ناوچەكە و پەیوەندییەكانی نێوان حكومەتی هەرێمی كوردستان و حكومەتی عێراقی فیدڕاڵ و پێویستی چارەسەربوونی كێشەكانی نێوان هەردوولا تەوەری تری ئەو دانیشتنە بوو.