سێ بازرگانی ماددەی هۆشبەر دەستگیر کران و دەستبەسەر بڕی (٥١) پەنجاویەک کیلۆگرام ماددەی هۆشبەریش گیرا.
بەڕێوەبەرایەتی نەهێشتنی ماددەهۆشبەرەکان رایدەگەیێنێت:” سێ بازرگانی ماددەی هۆشبەر دەستگیر کران و دەستبەسەر بڕی (٥١) پەنجاویەک کیلۆگرام ماددەی هۆشبەریش گیرا
لە راگەیەندراوێکدا بەڕێوەبەرایەتی نەهێشتنی ماددەهۆشبەرەکان رایگەیاند:” لە رێککەوتی ٢٣ی ٩ی ٢٠٢٣ دوای وەرگرتنی فەرمانی بەرێز دادوەری لێکۆڵینەوەی ئاساییش لەسەر تۆڕێکی بازرگانیکردن بەماددەی هۆشبەر، بەڕێوەبەرایەتییەکەمان بەهاوکاری بەڕێوەبەرایەتی بەدواداچوون و چاودێری لەبەڕێوەبەرایەتی گشتی ئاسایش، توانی بڕی (٥١) پەنجاویەک کیلۆگرام لەماددەی هۆشبەر لەجۆری کریستال دەستبەسەردا بگرێت، .
بەڕێوەبەرایەتییەکە راشیگەیاندووە:” لەم چاڵاکیەدا (٣) سێ تۆمەتبار دەستگیرکران کەماوەیەکی زۆرە کاری بازرگانیکردن بەمادەی هۆشبەرەوە دەکەن . تۆمەتباران پەڕاوی لێکۆڵینەوەیان بۆ کراوەتەو رووبەڕوی یاسا دەکرێنەوە.
ئاماژەی بەوەشکردووە :” ئەو بڕەی ماددەیەی کە لەم چاڵاکیەدا دەستی بەسەرداگیراوە بای زیاتر لە (١٠٠) هەزار جار بەکارهێنانە کە بەهۆیەوە چەندین کێشەی خێزانی لێدەکەوتەوەو ژمارەیەکی زۆر لە تاوانی جۆراوجۆری لەناو کۆمەڵگادا پێ ئەنجام دەدرا.
بەڕێوەبەرایەتی نەهێشتنی ماددەهۆشبەرەکان دڵنیایی بە هاووڵاتییان دەدات و دەڵێ:” بەهەموو ئەو کەسانە رادەگەیەنین کە کاری بازرگانی کردن بەماددەی هۆشبەرەوە دەکەن، دڵنیایان دەکەینەوە کە بەڕێوەبەرایەتیەکەمان لەهەوڵ و شەونخونیەکانی بەردەوام دەبێ بۆ دەستگیرکردن و بنبڕکردیان، ئەوەی ماوەتەوە لەگەڵیاندا تەنها کاتە.
