محه‌مه‌د كه‌ماڵ: كورد سوره له‌سه‌ر هه‌ڵكردنی ئاڵای كوردستان له كه‌ركوك.
خواكوڕك
سه‌رۆكی لیستی برایه‌تی له ئه‌نجوومه‌نی پارێزگای كه‌ركوك ڕایگه‌یاندوه” له‌سه‌ر پرسی هه‌ڵكردنی ئاڵای كوردستان له شاری كه‌ركوك گه‌یشتین به‌و ئه‌نجامه‌ی سبه‌یی له كۆبونه‌وه‌ی ئه‌نجوومه‌نی پارێزگا دیراسه‌ی ئه‌و بابه‌ته بكه‌ین و پاشان له‌گه‌ڵ توركمانه‌كانیش وتوێژده‌كه‌ین.
(محه‌مه‌د كه‌ماڵ) سه‌رۆكی لیستی برایه‌تی له ئه‌نجوومه‌نی پاریزگای كه‌ركوك به كوردستان 24ی ڕاگه‌یاندوه” به مه‌به‌ستی ئه‌وه‌ی زیاتر گفتوگۆ بكه‌ین و له‌یه‌كتر بگه‌ین، ده‌نگدانه‌كه ده‌خه‌ینه ڕۆژی چوارشه‌مه، بۆ ئه‌وه‌ی ئه‌وانیش قه‌ناعه‌ت بكه‌ن، ئه‌گه‌رنا ئێمه بڕیاری خۆمان داوه له‌سه‌ر هه‌ڵكردنی ئاڵای كوردستان.
توركمانه‌كانیش داوای كاتی زیاتر ده‌كه‌ن بۆ ئه‌وه‌ی زیاتر پێكه‌وه دابنیشن و باشتر بیر له‌و بابه‌ته بكه‌نه‌وه، ڕاسته ئێمه كێشه‌مان هه‌یه به‌ڵام ده‌توانین بگه‌ین به ئه‌نجام، به‌ڵام ئه‌ندامانی كورد له‌وباره‌وه یه‌ك ده‌نگ و یه‌ك ڕه‌نگه و بڕیاری له‌سه‌ر ده‌ده‌ین هه‌ركاتێك بێ.
