سەرۆك بارزانی : هیڤیدارم خویشك و برایێن مە یێن ئێزدی جەژن و هەلكەفتێن خۆ ب ئارامی و دلخۆشی بكەن .
سەرۆك بارزانی، ب هەلكەفتا جەژنا ( جەمایێ ) پەیامەکا پیرۆزبایی ئاراستەی ئێزدییەکان کر تێدا هاتیە : دڤێت خویشک و برایێن ئێزدی ب ئازادی و دیر ل هەمی جۆرێن گوشار و ئاستەنگا بڕیارێ ل سەر چارەنڤیسێ خۆ بدەن .
دەقێ پەیاما سەرۆك بارزانی ب هەلكەفتا جەژنا ( جەمایێ )
بناڤێ خودێ مەزن و دلۆڤان
بهەلكەفتا هاتنا جەژنا (جەمایێ) یا خویشک و برایێن ئێزدی، پیرۆزباهیێن گەرم ل میرێ ئێزدیان و بابا شێخ وجڤاتا ڕۆحانیێ ئایینێ ئێزدی و هەمی خویشک و برایێن ئێزدی یێن كوردستانێ و جیهانێ دكەم.
ل ڤێرێ داكۆكیێ ل سەر هندێ دكەین، دڤێت خویشک و برایێن ئێزدی بتایبەت ل دەڤەرا شنگال بشێن برینێن خۆ سارێژبكەن و ب ئازادی و دیر ل هەمی جۆرێن گوشار و ئاستەنگا بڕیارێ ل سەر چارەنڤیسێ خۆ بدەن .
هەر ب ڤێ هەلكەفتێ تەكەزێ ل بهێزكرنا كولتورا پێگڤەژیانێ دناڤبەرا ھەمی پێکھاتێن ئولی و نەتەوەیێن کوردستانێ دكەم و هیڤیدارم خویشك و برایێن مە یێن ئێزدی جەژن و هەلكەفتێن خۆ ب ئارامی و دلخۆشی بكەن .
جەژنا هەوە پیرۆز و بمینن بخێرو خۆشی
مسعود بارزانی
6ـی تشرینا ئێكێ 2023
