بە سەرپەرشتی مەسرور بارزانی کۆنفرانسی بەرەنگاربوونەوەی ماددە هۆشبەرەکان بەڕێوەدەچێت
ئەمڕۆ یەکشەممە 15/10/2023، بە سەرپەرشتی مەسرور بارزانی سەرۆکی حکومەتی هەرێمی کوردستان، کۆنفرانسی بەرەنگاربوونەوەی ماددە هۆشبەرەکان لە هەولێر بەڕێوەدەچێت.
لە کۆنفرانسەکەدا سەرۆکی حکومەتی هەرێمی کوردستان و ژمارەیەک لە ئامادەبووان وتاریان دەبێت، دواتر چەند پانێڵێک بەڕێوەدەچن، لە پانێڵی یەکەم بەناونیشانی “رۆڵی لایەنە پەیوەندیدارەکان لە رووبەڕووبوونەوەی ماددە هۆشبەرەکان” تێیدا ژمارەیەک وەزیری و بەرپرسی پەیوەندیدار وەک قسەکەر گفتوگۆ لەسەر ئەو بابەتە دەکەن.
هاوکات کەمێک پێش ئێستا عەبدولئەمیر شەممەری، وەزیری ناوخۆی عێراق گەیشتە هەولێری پایتەخت، بەمەبەستی بەشداریکردن لە کۆنفرانسی رووبەڕووبوونەوەی ماددە هۆشبەرەکان.
