سەرۆکی حکومەت پێشوازی لە وەزیری لاوان و وەرزشی فیدراڵ دەکات
ئەمڕۆ یەکشەممە 10/15، مەسرور بارزانی سەرۆکی حکومەتی هەرێمی کوردستان، پێشوازی لە ئەحمەد ئەلموبەرقەع، وەزیری لاوان و وەرزشی عێراق کرد.
لە دیدارەکەدا دۆخی وەرزش و لاوان لە عێراق و هەرێمی کوردستان و پێویستی بەهێزکردنی هاوکاری و هەماهەنگی نێوان دەزگا پەیوەندیدارەکانی هەرێمی کوردستان و حکومەتی فیدراڵی تاوتوێ کرا.
سەرۆکی حکومەت جەختی لە گرنگی بەشداریکردنی هەرێمی کوردستان له چالاکی و پاڵەوانێتییە وەرزشییە نێودەوڵەتییەکان و کارکردن بۆ رێکخستن و ئەنجامدانی چالاکی و پاڵەوانیەتی نێودەوڵەتی وەرزشی لە هەرێمی کوردستان بە هەماهەنگی دەزگا پەیوەندیدارەکانی حکومەتی فیدراڵ کردەوە.
وەزیری لاوان و وەرزشی فیدراڵ، خواست و ئامادەیی بۆ هاوکاریکردنی وەرزشی و پەرەپێدانی هەماهەنگی لەگەڵ لایەنە پەیوەندیدارەکانی حکومەتی هەرێم دەربڕی.
