ئاسایشی هەولێر دەست بەسەر بڕێکی زۆر لە گۆشتی قەدەغەکراودا دەگرێت
![](https://xwakurk.com/wp-content/uploads/2023/10/٢٠٢٣١٠٢٢_١٧٤٨١٨.jpg)
بەڕێوەبەرایەتی ئاسایشی هەولێر لە یەکێک لە خواردنگەکان کە وەک کۆگایەکی ئامادەکردنی خواردن بەکارهێندراوە، دەستی بەسەر بڕێکی زۆر لە گۆشتی قەدەغەکراو، گۆشتی هیندی و ماوەبەسەچوودا گرت.
هاوکات پێنج کەس کە لە خواردنگەکەدا کاریان کردووە، دەستگیرکراون و لێکۆڵینەوەش بەردەوامە بۆ دەست بەسەرداگرتنی هەموو ئەو خواردنەی لەو کۆگایەوە بەسەر خواردنگەکاندا دابەشکراوە.
هەروەها بەگوێرەی ئەو دیمەنانەی لەو کۆگایە تۆمارکراوە، چەندین ساردکەرەوەی پڕ لە گۆشتی ماوەبەسەرچوو و قەدەغەکراو هەڵگیراون و برێکی دیکەی گۆشتین بۆ ئامادەکردنی خواردن لەناو چێشتخانەی کۆگاکەدا دەستی بەسەردا گیراوە و هەروەها دەست بەسەر بڕێکی دیکەی مریشکی ماوەبەسەرچوو و خواردنی تێکچوودا گیراوە، کە لە دروستکردنی زەڵاتە و موقەبیلات بەکارهێندراوە و لەگەڵ ژەمەکانی خواردن لە چەند خواردنگەیەکی سەر بەو کۆگایە پێشکەش بە هاووڵاتییان کراوە.