سەرۆکی حکومەت پێشوازی لە شاندێکی کاکەیی دەکات

ئەمڕۆ چوارشەممە 13ی دیسەمبەری 2023، مەسرور بارزانی، سەرۆکی حکومەتی هەرێمی کوردستان، پێشوازی لە کەسایەتی ئایینی ناسراوی کاکەیی سەید رەحیم سەید عەزیم و شاندێکی یاوەری کرد.

لە دیدارەکەدا بارودۆخی خوشک و برایانی کاکەیی بە گشتی و لە ناوچە کوردستانییەکانی دەرەوەی ئیدارەی حکومەتی هەرێم بە تایبەتی تاوتوێ کرا و جەخت لە گرنگی پاراستنی مافەکانی کاکەییەکان و پەرەپێدانی تەبایی و بەیەکەوەژیانی ئاشتییانەی نێوان گشت پێکهاتەکانی هەرێمی کوردستان و عێراق کرا.