كەشناسی: ئەمڕۆ شەپۆلێكی دیكەی بارانبارین روو لە ناوچەكەمان دەكات

بەڕێوەبەرایەتیی كەشناسی و بوومەلەرزەزانیی هەرێمی كوردستان ئاشكرای دەكات كە ئەمڕۆ شەپۆلێكی دیكەی بارانبارین روو لە هەرێمی كوردستان دەكات و لە چەند ناوچەیەك باران بەلێزمە دەبارێت و هەورەبروسكەیشی لەگەڵدا دەبێت.

ئەمەی خوارەوە دەقی راگەیەندراوی بەڕێوەبەرایەتییەكەیە سەبارەت بە پێشبینییەكان بۆ كەشوهەوای ئەمڕۆ و سبەی:-

ئەمڕۆ هەینی 16- 02- 2024
کەش/ ئاسمان هەوری تەواو دەبێت , ئەمڕۆ لە نیوەڕۆدا شەپۆڵێکی تری باران بارین ڕوو لە ناوچەکەمان دەکات سەرەتا باران بارین لە باکووری ڕۆژئاوای هەرێم دەست پێدەکات و پاشان تەواوی ناوچەکانی تر دەگرێتەوە , باران بەشێوەی بارانی مامناوەند دەبێت هەندێ کات لێزمە باران و هەورە تریشقەشی لەگەڵ دەبێت . ئەو ناوچانەی ئەمڕۆ پێشبینی دەکرێت ئاستی دابارین زیاتر بێت بەراورد بە ناوچەکانی تر بەشێک لە ڕۆژهەڵاتی پارێزگای هەولێر وەک ( کۆیە و تەق تەق و هیران ) هەروەها بەشێک لە سنووری ئیدارەی گەرمیان ڕۆژهەڵاتی و پارێزگای کەرکوک .
خێراى با / لەسەرخۆ – مام ناوەند ( 10 – 20 )کم/س دەبێت
ئاراستەی با / باشووری خۆرهەڵات دەبێت .
پلەکانی گەرما / نزیک دەبێتەوە لەتۆمارکراوەکانی دوێنێ.
مەوداى بینین / 6 – 8 کم دەبێت .
پلەکانی گەرما / لەسەر نەخشەدا ئاماژەیان پێدراوە .

سبەی شەممە 17- 02- 2024
کەش / ئاسمان بە گشتی هەوری تەواو دەبێت , نمە باران و بارانی مامناوەند لە زۆربەی ناوچەکان دەبارێت هەروەها لە هەندێ کات هەورە تریشقە لەگەڵ دەبێت . پێشبینی دەکرێت لە کاتەکانی شەودا لە ناوچە شاخاوییە سنووریەکان و بەرزەکان بەفر بارینێکی کەم هەبێت .
پلەکانی گەرما / بە نزیکەی 2 تــــا 4 پلە نزمتر دەبێت لە تۆمارکراوەکانی ئەمڕۆ .
خێراى با / لەسەرخۆ- مامناوەند ( 10 – 20 )کم/س .
ئاراستەی با / باشووری خۆرهەڵات دەبێت .
مەوداى بینین / 7 – 9 کم دەبێت .
بەرزترین پلەکانی گەرمای پێشبینیکراو بە پلەی سیلیزی
هەولێر : 14
سلێمانی : 10
دهۆک : 14
کەرکوک : 17
هەڵەبجە : 10
زاخۆ : 15
سۆران : 5
حاجی ئۆمەران : 0
گەرمیان : 18
بەشى پێشبینى
بەرێوەبەرایەتى گشتیى کەشناسی و بوومەلەرزەزانى
2024-02-16