روونكردنەوەیەك لە بەڕێوبەرایەتی گشتی كاروباری تەندروستییەوە.

بەڕێوەبەرایەتی گشتی كاروباری تەندروستی روونکردنەوەیەک لەبارەی بڵاو بوونەوەی چاوپێكەوتنێك لە یەكێك لە كەناڵەكانی ڕاگەیاندن دەربارەی كاریگەری ( ماددە پلاستیكییەكان) بڵاو دەکاتەوە کە لەو چاوپێكەوتنەدا میوانی بەرنامەكە زانیاری هەڵە و ناڕاستی لەسەر بەكارهێنانی كلۆر بۆ خاوێنكردنەوە (تعقیم) كردنی ئاوی بوتڵكراو كرد،

دەقی روونکردنەوەکەی بەڕێوەبەرایەتی گشتی كاروباری تەندروستی:

دوابەدوای بڵاو بوونەوەی چاوپێكەوتنێك لە یەكێك لە كەناڵەكانی راگەیاندن دەربارەی كاریگەری ( ماددە پلاستیكییەكان) لەو چاوپێكەوتنەدا میوانی بەرنامەكە زانیاری هەڵە و ناڕاستی لەسەر بەكارهێنانی كلۆر بۆ خاوێنكردنەوە (تعقیم) كردنی ئاوی بوتڵكراو كرد، بەڵام ئەو بەڕێزە بێ ئاگابوو لە زانیاری و رێنماییەكان تایبەت لە پرۆسەی دروستكردن و گواستنەوە و هەڵگرتنی ئەم بەرهەمە كە بە پێی تایبەتمەندی عێراقی دەستنیشانكراوە.

بە گوێرەی تایبەتمەندی عێراقی ژمارە (1937) ساڵی 2019 تایبەت بە ئاوی بوتڵكراو:

1- بەكارهێنانی (مركبات الكلورین) قەدەغەكراوە لە گشت قۆناغەكانی پرۆسەی چارەسەركردن و خاوێنكردنەوەی كۆتایی ئاوی بوتڵكراو.

2- پرۆسەی چارەسەركردن و بە پاڵاوتن بە بەكارهێنانی فلتەری كەمتر لە یەك مایكرۆمەتر یان بەROدەبێت ئەنجامبدرێت.

3- خاوێنكردنی ئاو لە قۆناغەكانی كۆتایی بە ئۆزۆن یان بە تیشكی سەروو وەنەوشەیی دەكرێت.

4- شێوەی هەڵگرتن و گواستنەوەی ئەم بەرهەمە لەم تایبەتمەندیە ئاماژەی پێكراوە وە هەڵگرتنی لەبەر تیشكی خۆر یاساغ كراوە وە ئەنجامدانی ئەم كارە سەرپێچی هەژمار دەكرێت.

5- ئەو ( PET ) و كۆنتێنەرانەی بۆ هەڵگرتنی بەكار دەهێندرێت بە پێی ئەم تایبەتمەندییە دەبێت تەندروست بێت و كارلێك نەكات لەگەڵ ئاوی هەڵگیراو تێدا وە هیچ بەرهەمی لاوەكی زیان بەخش بە تەندروستی دروست نەكات.

6- بە پێی Code of Federal Regulation ـی ئەمریكی و یاساكانی FDA تایبەت بە ئاوی بوتڵكراو ئۆزۆن بە ڕێگەیەكی نمونەیی هەژمار دەكرێت بۆ پاكژكردنەوە (تعقیم) كردنی ئاوی بوتڵكراو هەروەها لە لایەن ڕێكخراوی تەندروستی جیهانیشەوە ( WHO ) ئاوی بوتڵكراو ئۆزۆن یەكێكە لە رێگەكانی پاكژكردنەوە ( تعقیم ) كردنی ئاوی بوتڵكراوە.

بۆ هاووڵاتییانی خۆشەویستی رووندەكەینەوە كە یاساكە بە شێوەیەكی تەواو ئاماژەی بە هەموو بەشەكانكردوە وبۆ زانینی زیاتری دەتوانن یاساكە بخوێننەوە.

بەگوێرەی یاساكە رووندەبێتەوە ئەو بەڕێزەی چاوپێكەوتنەكەی ئەنجامداوە پێچەوانەی تایبەتمەندی عێراقییە، كە ئەو داوای بەكارهێنانی كلۆر دەكات ئەمەش لە هیچ قۆناغەكانی پرۆسەی چارەسەكردنی ئاوی بوتڵكراو ڕێگە پێدراو نییە، هاوكات داوای بەكار نەهێنانی ئۆزۆن دەكات كە ئەمەش پێچەوانەدەبێت كە ئۆزۆن یان فلتەر یانRO بەكار بهێندرێت.

وەزارەتی تەندروستی حكومەتی هەرێم

بەڕێوبەرایەتی گشتی كاروباری تەندروستی

٢٠/٢/٢٠٢٤