هەفتەی داهاتوو بڕیارەكانی مەسرور بارزانی دەچێتە بواری جێبەجێكردنەوە
![](https://xwakurk.com/wp-content/uploads/2024/02/٢٠٢٤٠٢٢٣_١٠٥٧١٥.jpg)
محەمەد شوكری، سەرۆكی دەستەی وەبەرهێنانی حكومەتی هەرێمی كوردستان، رایگەیاند، سەرۆك وەزیران هەڵەبجە دەكاتە ناوچەیەكی وەبەرهێنانی تایبەت و، لەسەر بڕیاری مەسرور بارزانی پێشتریش لەسەر پێشنیازی پارێزگاری هەڵەبجە و یەكێتی وەبەرهێنەران لە هەڵەبجە داوا كرابوو كۆمەڵێك ئاسانكاری بۆ وەبەرهێنەران بكرێت، مەسرور بارزانی لە سەردانەكەی بۆ هەڵەبجە رەزامەندی لەسەر هەموو پێشنیازەكان دا.
گوتیشی:” مەسرور بارزانی پارێزگای هەڵەبجەی لە هەموو رێنوێنییەكانی پێشووتری جیاكردووەتەوە، بەتایبەتی لە وەرگرتنی كرێی خزمەتگوزاری و كرێی راستەقینە و تەرخانكردنی زەوی و گوژمەی پڕۆژەی خوار پێنج سەد هەزار دۆلاری ئەمریكی.
ئەوەیشی گوت، رەزامەندی سەرۆك وەزیران بۆ ئەو بابەتە دەستكەوتە بۆ خەڵكی هەڵەبجە و بڕیارەكەی سەرۆکی حکومەت دەگاتە بەڕێوەبەرایەتی گشتی وەبەرهێنانی هەڵەبجە و لە هەفتەی داهاتووەوە جێبەجێ دەكرێت.