سەرۆک بارزانی پێشوازی لە باڵیۆزی قەتەر لە عێراق دەکات

رۆژی دووشەممە 26ی شوباتی 2024، لە سەڵاحەددین سەرۆک مەسعود بارزانی پێشوازی لە بەڕێز سوڵتان موبارەک ئەلکوبەیسی باڵیۆزی قەتەر لە عێراق کرد.

لە دیدارەکەدا کە بەڕێز حوسێن بن عەلی ئەلفەزالە کونسوڵی گشتی قەتەر لە هەولێر ئامادەی بوو، باڵیۆزی قەتەر لە عێراق سڵاو و پرسە سەرەخۆشی شێخ تەمیم بن حەمەد ئالی سانی ئەمیری قەتەر و شێخ محەمەد بن عەبدولڕەحمان ئالی سانی سەرۆکوەزیرانی قەتەری بە سەرۆک بارزانی گەیاند بۆ کۆچی دوایی خاتوو (زەکیا مستەفا بارزانی)ـی خوشکی سەرۆک بارزانی.

بارودۆخی سیاسی عێراق و ناوچەکە و پەیوەندی دوولایەنە تەوەری تری ئەو کۆبوونەوەیە بوون.