ژنه به‌رپرسێكی باڵای په‌كه‌كه كوژرا
توركیا كوشتنی ژنه به‌رپرسێكی پارتی كرێكارانی كوردستان (په‌كه‌كه)ی له شاری قامیشلوی رۆژئاڤای كوردستان ڕاگه‌یاند.
ئەمڕۆ سێشەممە، ئاژانسی ئه‌نادۆڵۆی حكومه‌تی توركیا بڵاوی كرده‌وه كه له ئۆپه‌راسیۆنێكی هه‌واڵگریی توركیادا له قامیشلۆ، به‌رپرسێكی یه‌په‌گه‌ی سه‌ر به په‌كه‌كه به‌ناوی ئامینه سه‌ید ئه‌حمه‌د كه به ئازادی دێركی ده‌ناسرێته‌وه كوژرا.
هەروەها بڵاوی كردوه‌ته‌وه كه ئه‌و به‌رپرسه‌ی په‌كه‌كه له ساڵی 2011دا به‌شداریی له ڕێكخستنه‌كانی په‌كه‌كه‌دا كردووه و یه‌كێكه له‌و كه‌سانه‌ی كه پلاندانه‌ری هێرشه‌كانی دژ به هێزه‌كانی توركیا بووه و هه‌روه‌ها كوژراوه‌كه یه‌كێك بووه له به‌رپرسانی به‌كارھێنانی مووشه‌ك، له ناوچه‌ی ته‌ل ڕه‌فعه‌ت فه‌رمانی هێرشی مووشه‌كی دژی سوپای توركیا داوه.
