دهۆک.. زیاتر له یه‌ك تۆن TNTی ماوەبەسەرچوو لەناوبرا
ئەمڕۆ چوارشەممە 6ی ئاداری 2024، لە پارێزگای دهۆک بڕی هەزار و 150 كیلۆگرام لە TNT ماوەبەسەرچوو لەلایەن بەڕێوبەرایەتی گشتی کاروباری مین – لقی دهۆک لەناوبرا.
رێگر بێسفکی، بەرپرسی راگەیاندنی بەڕێوبەرایەتی گشتی کاروباری مین لە دهۆک رایگەیاندووە، تیمەکانیان هەزار و 150 كیلۆگرام لە TNT ی ماوە بەسەرچوویان لەناوبرد کە بۆ تەقاندنەوەی بەرد بەکار دەهێندرا، هەروەها گوتیشی “بڕەکە هەمووی لە لایەن کۆمپانیایه‌کی تایبەت بە نەوت بەکار دەهات، بەڵام ماوەی بەسەرچووبوو، رادەستی ئێمە کراوە و ئێمە لەناومان برد”.
ئاشکراشی کرد کە بڕەکە زۆر بووە، تیمەکانیان بە سووتاندن لەناویان بردووە و بەهۆی ئەوەی بۆنەکەی کاریگەری دەخاتە سەر تەندروستی مرۆڤ، لە کاتی سووتاندنیدا دوورکەوتوونەتەوە لە شوێنەکە.
