ئاراس جەبار: بەشێک لە گەڕەکەکانی سلێمانی ئاویان نییە، ھیچ لایەک جورئەتی نییە قسەی لەسەر بکات.
ئاراس جەبار، چالاكوان و شارەزای كەشناسی، لە پێگەی خۆی لە تۆڕی كۆمەڵایەتیی (فەیسبووك) باسی بێ ئاوی گەڕەکەکانی شاری سلێمانی دەکات و دەڵێت: دوو ھەفتە زیاترە، بەشێک لە گەڕەکەکانی سلێمانی ئاویان نییە، ھیچ لایەک جورئەتی نییە قسەی لەسەر بکات.
هەر لەسەر ئەم باسە ناوبراو ڕەخنەی توند ئاراستەی میدیاکانی سلێمانی دەکات و دەڵێت: ئەگەر ئەمە لە ھەولێر رووی بدایە، میدیا و زۆربەی پەیجەکان دەكەوتنە باسکردن و جاڕدانی. بەڕاستی شەرمەزارییە.
ئاماژەشی بەوە داوە كە هۆكاری نەبوونی ئاو لە سلێمانی، بۆ شكانی بۆڕی گەڕێندراوەتەوە و دەڵێت: خێرە بۆڕییەك لەم ماوە درێژەدا چاك نەكرابێتەوە، یان گوایە چاك كراوەتەوە و دووبارە شكاوەتەوە؟!
لە كۆتاییشدا رای گەیاندووە كە بێدەنگبوون لەم بابەتانە هەڵەیە، چونكە پێویستیی سەرەكیی مرۆڤن.
شایەنی باسە دەیان چاڵاکوان ڕەخنەیان لە بێدەنگیی میدیاكان بەرامبەر بە ڕووداوەكانی سلێمانی و هەوڵدانیان بۆ گەورەكردنی ڕووداوەكانی هەولێر گرتووە ، ڕۆژانە لە هەموو ڕووداوێكدا، كەسانی هۆشیار هەست بەم دووڕووییەی میدیاكانی سلێمانی دەكەن كە ورد و درشتی ڕووداوەكانی هەولێر گەورە دەكەن، كەچی خۆیان لە باسكردنی ئەو ڕووداوانە لادەدەن كە لە ناوچەكانی ژێر دەستی یەكێتیدا ڕوو دەدەن.
