ئەنجومەنی وەزیران، بۆ سێ بابەتی گرنگ كۆبوونەوەی هەیە
![](https://xwakurk.com/wp-content/uploads/2024/03/20240313_095944.png)
بڕیارە پێش نیوەڕۆی ئەمڕۆ، بە سەرۆكایەتیی مەسرور بارزانی ئەنجومەنی وەزیران كۆ ببێتەوە، بەپێی خشتەی كاری ئەنجومەنی وەزیرانی هەرێمی كوردستان، یەكەمین تەوەری كۆبوونەوەكە، تایبەت دەبێت بە سەردانی شاندەكەی هەرێم بۆ ئەمەریكا و كۆبوونەوەكانیان لەگەڵ بەرپرسانی باڵای ئەو وڵاتە، لەم تەوەرەدا گفتوگۆ لەلایەن سەرۆكی حكومەتی هەرێم و ئەندامانی حكومەتەكەی دەكرێت.
هەر بەپێی كارنامەكە، سەرۆكی دەستەی دەستپاكی راپۆرتێكی تایبەت بە جێبەجێكردنی (ستراتیژی نیشتمانی بۆ رووبەڕووبوونەوەی گەندەڵی لە هەرێمی كوردستان-عێراق) كە پێشتر لەلایەن ئەنجومەنەكەوە پەسند كرابوو، دەخرێتە روو.
بەشێكی تری كۆبوونەوەكەی ئەنجومەنی وەزیران، تایبەت دەبێت بە پرسی مووچەی مووچەخۆرانی هەرێمی كوردستان، لەلایەن وەزیری داراییەوە هەنگاو و رێكارەكانی ئەمدواییانەی وەزارەتەكە و لایەنە پێوەندیدارەكان دەخرێنەڕوو، تایبەت بە مووچەی موووچەخۆرانی هەرێم لە ژێر رۆشنایی دواین پێشهات و گۆڕانكارییەكان دەخرێتە روو.