33 ساڵ بەسەر کۆڕەو و ئاوارەبوونی زیاتر لە ملیۆنێک کورد تێدەپەڕێت
ئەمرۆ 33 ساڵ بەسەر کۆڕەوەکەی گەلی کوردستان تێدەپەڕێت. 31ی ئاداری ساڵی 1991، نزیکەی 10 رۆژ دوای راپەڕین و ئازادکردنی زۆربەی شارەکانی کوردستان لە دەستی رژێمی بە*عس، بە پشتیوانی هێزەکانی پێشمەرگەی بەرەی کوردستانی، سوپای ئەو کاتی عێراق هێرشێکی کردە سەر کوردستان و لە ئەنجامدا وەک نیشاندانی ناڕەزایی رەتکردنەوەی ژێردەستەیی، نزیکەی ملیۆنێک و 500 هەزار کورد لە ترسی دووبارەبوونەوەی ئەنفال و کیمیاباران، ماڵ و حاڵیان بەجێهێشت.
لەو رۆژە خەڵکێکی زۆر و بەتایبەت ژن و منداڵ و پیر و پەککەوتە بوونە قوربانی و شەهید بوون.
کۆڕەو بە یەکێک لە ڕووداوە هەژێنەرەکانی ئەو قۆناغەی باشووری کوردستان دێتە ئەژمار، هاوکات خاوەنڕایان پێیان وایە کۆڕەوی خەڵکی باشوور گەورەترین ناڕەزایی و یاخیبوونی مەدەنییە بەرانبەر بە داگیرکەر.
