ئەپیکور: ئامادەین بە خێرایی نەوت لە ڕێگەی بۆری عێراق – توركیا ھەناردە بکەینەوە
ئەمڕۆ سێشەممە، لە راگەیاندراوێکدا كۆمەڵەی پیشەسازی نەوتی كوردستان ناسراو بە (ئەپیکور) خۆشحاڵی خۆیی لە بارەی دیداری ڕاستەوخۆی جۆو بایدن، سەرۆکی ویلایەتە یەکگرتووەکانی ئەمریکا و محەممەد شیاع سوودانی، سەرۆک وەزیرانی عێراق لە کۆشکی سپی دەربڕیوە و هەورەها ئامادەیی خۆیان بۆ دەست پێکردنەوەی هەناردەی نەوتی هەرێمی کوردستان لە ڕێگەی تورکیاوە دەربڕیوە.
لە راگەیەندراوەکەیان هاتووە، كۆمەڵەی پیشەسازی نەوتی كوردستان پێزانینی ھەیە كە سەرۆك بایدن و سەرۆك وەزیران سوودانی لە كۆوبوونەوەكەیاندا، جەختیان لەسەر دەست پێكردنەوەی خێرای ھەناردەی نەوت لە ڕێگەی بۆری نەوتی عێراق – توركیا كردووەتەوە.
هەروەها لە راگەیاندراوەکە ئەپیكور جارێکی ئامادەیی دەربڕیوە بۆ بەردەوامیدان و پەلە کردن لە دەستكردنەوە گفتوگۆكان حكوومەتی عێراق و حكومەتی ھەرێمی كوردستان بۆ دەست پێكردنەوەی ھەناردەی نەوت لە ڕێگەی بۆری نەوتی عێراق – توركیا.
کۆمەڵەکە ئاماژەیداوە، گرنگە لەگەڵ دەست پێکردنەوەی گفتوگۆکان گەرەنتی مەرجە داراییەكانی بکرێت، لە ڕێگەی ڕێككەوتنێكی فەرمیی نووسراو کە دڵنیایی بدرێت لە بارەی پێدانی پارەی ڕابردوو لەگەڵ خەرجکردنی شایستە داراییەکانی داھاتووش.
