بافڵ تاڵەبانی لە ترسی شکستی یەکێتی دوو ساڵ هەڵبژاردنی دواخستووە
![](https://xwakurk.com/wp-content/uploads/2024/05/20240502_031706.png)
بافڵ تاڵەبانی دوو ساڵە هەڵبژاردنی پەرلەمانی کوردستانی دواخستووە لە ترسی شکستی یەکێتی، لەم ماوەیەدا بەهۆی ڕێواز فایەقەوە ڕێگایان نەدا پەرلەمانی کوردستان هەڵبژاردن لە کاتی خۆیدا بکات، دوای ئەوەش بە پشتیوانی و پیلانی ئێران، سەرۆکی کۆمسیۆنیان گۆڕی بە کەسێکی یەکێتی و بە فشاری چەند لایەنێکی عێراقیش دادگای بەناو فیدرالی، بە نایاسیی و نادەستووری، شێواز و یاسا و ڕێکارەکانی هەڵبژاردنی گۆڕی بۆ ئەوەی یەکێتی و کوڕانی تاڵەبانی لە شکست رزگار بکەن.
ئێستاش بەو گاڵتەجاڕییەی دەستیان پێ کردووە، خۆیان وا دەردەخەن کە نایانەوێ هەڵبژاردن دوا بخرێت و ماوە بە ماوە کۆیلەکانیان رستەیەک قسەی بێ بنەما ریز دەکەن و پێیان وایە خەڵک بڕوایان پێ دەکات.
خەڵکی کوردستان و كۆمەڵگەی نێودەوڵەتی و یاسازانان و لایەنە سیاسییەکانی رەسەنی کوردستان ڕێگە بەم گاڵتەجاڕییەی بافڵ و هاوڕێکانی نادەن یاری بە چارەنووسی کوردستان بکەن کە رۆژێک خەباتیان بۆ ئەم دەستکەوتانە نەکردووە و هەرچی خەباتکەری ناو حزبەکەشیانە دووریان خستوونەتەوە!
با بافڵ دڵنیا بێت، بەڵێنی ئاغاکانی بۆ هەڵبژاردنی دیزاینکراو بە دەستکاریکردنی ئامێرەکان و مسۆگەرکردنی کورسی زیاد بۆ یەکێتی و ئەو یارییە قێزەوەنانەی لەگەڵ برادەرانی خۆی دژی هەرێمی کوردستان دەیکات، دادی نادات.
هەڵبژاردن پێویستە بە شێوەیەکی دروست بکرێت. بە پێداگیریی لایەنە نیشتمانپەروەرەکان و زۆرینەی خەڵكی کوردستان و رووبەرووبوونەوەی نادادپەروەری و بەرگریکردن لە یاسا و مافی هەموو پێکهاتەکان هەوڵی هەڵبژاردنێک دەدرێت کە بەهەر جۆرێک بێت پێکهاتەکان بەشداریی بکەن و ڕێگری لە فێڵ و بەرنامەی پێشوەخت و ئامادەکراوی گرووپی تاڵەبانی بکات.
چاو سوورکردنەوە و پارە بەخشین و کێشە نانەوە و بەڵێنی بێ بنەمای هاوپەیمانی بە هەندێک لایەن و فێڵکردن و سکاڵاکردن و برسیکردنی خەڵک و بێبەش کردنی منداڵان لە خوێندن و بردنی سامانی خەڵکی سلێمانی بۆ دەرەوە و چەواشەکردن، چیتر سوودی نییە و مانگی هەنگوینیی بافڵ بەرەو كۆتایی دەڕوات و شکستی کوڕەکانی تاڵەبانی حەتمییە.