سەرۆك بارزانی پێشوازی لە دەستەی سەرۆكایەتی ئەنجومەنی نیشتمانی كورد لە سووریا (ئەنەكەسە) دەكات

رۆژی سێشەممە 7ی ئایاری 2024 لە سەلاحەددین سەرۆك مەسعود بارزانی پێشوازی لە دەستەی سەرۆكایەتی ئەنجومەنی نیشتمانی كورد لە سووریا (ئەنەكەسە) كرد.

لە دیدارەكەدا هەلومەرج و دواپێشهاتەكانی سیاسی سووریا و ناوچەكە تاوتوێ كرا و هەروەها رۆشنایی خرایە سەر بارودۆخ و گوزەرانی هاووڵاتیانی كورد و ئاستەنگ و گرفتەكانی بەردەم لایەنە سیاسیەكان و هاووڵاتیانی كورد لە سووریا.

داهاتووی كورد لە سووریا و هاوكێشە سیاسی و دەولییەكانی كاریگەر لەسەر دۆخی سووریا تەوەری تری ئەو كۆبوونەوەیە بوون.