سەرۆکی حکومەت سەرەخۆشی لە کۆماری ئیسلامی ئێران دەکات
ئەمڕۆ دووشەممە 20ی ئایاری 2024، مەسرور بارزانی، سەرۆکی حکومەتی هەرێمی کوردستان، لە پرسەنامەیەکدا، سەرەخۆشی لە کۆماری ئیسلامی ئێران کرد، بۆ کۆچی دوایی ئیبراهیم رەئیسی، سەرۆک کۆماری ئێران و حوسێن ئەمیر عەبدوڵڵاهیان، وەزیری دەرەوە و ژمارەیەک لە بەرپرسانی دیکە کە لە رووداوی تێکشکانی هێلیکۆپتەرەکەیان گیانیان لەدەست دا.
دەقی پەیامەکە:
پرسە و سەرەخۆشی و هاوخەمی قووڵی خۆمان ئاراستەی رێبەرایەتی و حکومەت و خەڵکی کۆماری ئیسلامی ئێران دەکەین، بۆ کۆچی دوایی سەرۆک کۆمار ئایەتوڵڵا سەید ئیبراهیم رەئیسی و وەزیری دەرەوە بەڕێز حوسێن ئەمیر عەبدوڵڵاهیان و هاوڕێکانیان.
لە خوای مەزن داواکارین گیانی خوالێخۆشبووان بخاتە بەر بەزەیی خۆی و سەبر و دڵنەواییش بە بنەماڵە و کەسوکار و خەڵکی ئێران بە گشتی ببەخشێت. لەم کاتە سەختەدا، هاوخەمی و هاوپشتی خۆمان لەگەڵ خەڵکی کۆماری ئیسلامی ئێران دووپات دەکەینەوە.
مەسرور بارزانی
سەرۆکی حکومەتی هەرێمی کوردستان
2024/5/20
