وەیسی سەعید بۆ شاڵاو كۆسرەت ڕەسووڵ: خۆتان مەكەن بە خەمخۆری هەولێرییەكان، هێشتا نانی دزراوی هەولێرییانتان لە قورگدایە
![](https://xwakurk.com/wp-content/uploads/2024/05/20240531_120434.png)
ماوەیەكە هەر شتێك روودەدات، شاڵاو كۆسرەت ڕەسوول، ئەندامی سەركردایەتی یەكێتی بە (لۆ)یەك پرسیارێكی بێمانای وەك لێدوانە بێماناكانی خۆی تێكەڵ دەكات. دوایین (لۆ)یشی بۆ بابەتی قەرەبووكردنەوەی دوكاندارانی بازاڕی چەلێی دهۆك نووسیوە و هەوڵیداوە حكومەتی هەرێمی كوردستان بە جیاوازیكردن لە نێوان ناوچەكان تۆمەتبار بكات.
لە بەرامبەردا وەیسی سەعید وەیسی، ئەندامی خولی پێنجەمی پەرلەمانی كوردستان لە فراكسیۆنی پارتی رایگەیاند: شاڵاو کۆسرەت رەسووڵ وادەزانێت ئەگەر گوتی لۆ، ئەوە خەڵكی هەولێر بە فریشتەیان دەزانن و لەو تاوانانەیان خۆش دەبن كە لە نۆوەدەكان و لەو كاتەوەی چەكدارەكانیان لە هەولێر بوون، بەرامبەر بە خەڵكیان دەكرد! وادیارە شاڵاو و هاوشێوەكانی نازانن کە لە زاكیرەی خەڵكی هەولێر ئەوان بە چەتە و پیکابدز و کەسانی ناپەسند و نەخوێندەوار ناسراون و كەس حیسابیان بۆ ناكات.
وەیسی سەعید باسی لەوەشکردووە: شاڵاو كەسێكی نەخوێندەواری غەریبۆكەیە، نازانێت بابەتی قەرەبووکردنەوە یاسای خۆی هەیە و ئەوە عەرزە داگیرکراوەکانی بن دەستی یەکێتی نییە بە دۆخین دۆخین بفرۆشرێتە خەڵكی هەژار، ئەوە قەرەبووە و پێویستیی بە تۆمارکردن و تەخمینکردنی زیانەکان و تەرخانکردن و رێوشوێنی پێویست هەیە.