سەرۆک بارزانی سەرەخۆشی لە ئوسامە نوجەیفی دەکات
سەرۆک بارزانی لە پەیامێکی سەرەخۆشی بۆ ئوسامە نوجەیفی نووسیویەتی: “بەداخێكی زۆرەوە هەواڵی كۆچی دوایی بەڕێز (عەبدولعەزیز نوجەیفی) باوكی بەڕێزتانم پێ گەیشت، بەم بۆنە خامناكەوە پرسە و سەرەخۆشی ئاراستەی ئێوەی بەڕێز و تەواوی خانەوادە و كەسوكارتان دەكەم و خۆم بە هاوبەشی خەمتان دەزانم”.
دەقی پەیامی سەرەخۆشیی سەرۆک بارزانی بۆ ئوسامە نوجەیفی:
بەناوی خودای مەزن و دلۆڤان
برای بەڕێزم ئوسامە عەبدولعەزیز نوجەیفی،
بەداخێكی زۆرەوە هەواڵی كۆچی دوایی بەڕێز (عەبدولعەزیز نوجەیفی) باوكی بەڕێزتانم پێ گەیشت.
بەم بۆنە خامناكەوە پرسە و سەرەخۆشی ئاراستەی ئێوەی بەڕێز و تەواوی خانەوادە و كەسوكارتان دەكەم و خۆم بە هاوبەشی خەمتان دەزانم.
لە خودای گەورە داواكارم ڕۆحی خوالێخۆشبووی باوكتان بە بەهەشتی بەرین شاد بكات و سەبر و دڵنەوایی بە هەموولایەك ببەخشێت.
إنا لله و إنا الیە راجعون
مسعود بارزانی
26ی حوزەیرانی 2024
