سەرۆک بارزانی و سەرۆکی ئەنجومەنی نوێنەرانی عێراق بە وەکالەت کۆ بوونەوە

رۆژی پێنجشەممە 4ی تەمموزی 2024، لە شاری بەغدا سەرۆکبارزانی و موحسین مەندەلاوی سەرۆکی ئەنجومەنی نوێنەرانی عێراق بە وەکالەت کۆ بوونەوە.

لە کۆبوونەوەکەدا سەرۆکی ئەنجومەنی نوێنەرانی عێراق بە وەکالەت پێزانینی بۆ ڕۆڵی مێژوویی و پێگەی سەرۆک بارزانی لە پڕۆسەی سیاسیی عێراقدا هەبوو و هیوای خواست بوونی سەرۆک بارزانی یارمەتیدەر بێت بۆ چارەسەربوونی کێشەکانی عێراق.

لای خۆیەوە سەرۆک بارزانی جەختی لە بوونی نیازپاکیی لایەنەکان کردەوە و بە پێویستی زانی کە دیالۆگ ببێتە بنەمایەکی جێگیر بۆ چارەسەرکردنی کێشەکان.

هەر لەو کۆبوونەوەیەدا بابەتی دیاریکردنی سەرۆکی ئەنجوومەنی نوێنەرانی عێراق و چەند پرسێکی تری تایبەت بە پارێزگاکانی عێراق تاوتوێ کران.