سەرۆک بارزانی: هیودارام ساڵی نوێی کۆچی ببێتە دەرفەتێک بۆ پەرەسەندنی ئاشتی و ئارامی لە ناوچەکە
لە پەیامێکدا سەرۆک بارزانی، ساڵی نوێی کۆچی لە هەموو موسڵمانانی جیهان پیرۆز دەکات و هیوا دەخوازێت بۆنەکە، ببێتە دەرفەتێک بۆ پتەوکردنی فەرهەنگی یەکترقبووڵکردن و پەرەسەندنی ئاشتی و ئارامی لە ناوچەکە.
دەقی پەیامەکەی سەرۆک بارزانی:-
بەناوی خودای مەزن و دلۆڤان
بەبۆنەی سەری ساڵی ۱٤٤٦ی کۆچی و یەکی مانگی موحەرەم گەرمترین پیرۆزبایی خۆم ئاراستەی هەموو موسڵمانانی کوردستان و عێراق و جیهان دەکەم و هیوای خێر و خۆشی بۆ هەموو لایەک دەخوازم.
هیوادارم ئەو بۆنە پیرۆزە ببێتە دەرفەتێک بۆ پتەوکردنی فەرهەنگی یەکترقبووڵکردن و پەرەسەندنی ئاشتی و ئارامی و برایەتی لە ناوچەکەماندا.
مسعود بارزانی
۷ی تەممووزی ۲٠۲٤
۱ی موحەرەمی ۱٤٤٦ی کۆچی
