میدیای لاهور جەنگی: خوابکات چارەنوسی عەتا سەراوی لە زیندان وەک زانای قائیمقامی لێنەیەت چونکە یەکێتییەکان بێدەنگن
بۆچی هیچ یەکێتیەک لەسەر دەستگیرکردنی عەتا سەراوی نایەتە دەنگ؟
میدیای لاهور جەنگی بڵاویکردەوە ، کە نزیکەی دوو هەفتەیە عەتا سەراوی لەزیندانی ئاسایشی سلێمانییە، میدیاکە بێ تاوانی عەتا سەراوی دەردەخات و دەڵێت، عەتا لەم دۆسیەیەدا بێتاوانەو قوربانیەکی پاک و پوختەو خوابکات چارەنوسی وەک زانای قائیمقامی لێنەیەت”!
میدیای لاهور جەنگی ئەوەش ناشارێتەوە کە یەکێتییەکان بێدەنگن و ڕایدەگەیەنێت” یەکێتیەکان دوو هەفتەیە لەسەر دەستگیرکردنی هاوڕێیەکیان بچوکترین قسەو ناڕەزاییان نیە کەبرای لەپێناو ئەوحیزبەدا خۆی بەکوشتداوە، هۆکارەکەش ئەوەیە کەئەوان لەدەوری بژێوی ژیان کۆبوونەتەوەو دەستیان بەکڵاوی خۆیانەوە گرتووە،نەمەبدەئو نەڕێبازو نە هاوڕێیەتی لای ئەوان وجودی نەبوەو نیە، بەردەوام ئارەزووی ملشکاندنی یەکتریش دەکەن بۆ پەیداکردنی پارویەکی چەورتر.
میدیای لاهور جەنگی دۆخی یەکێتی بە دوکانی مریشک فرۆشێک دەچوێنێت و ڕایدەگەیەنێت، دۆخی یەکێتی وەک دووکانی مریشکی لێهاتووە،کاتێک مریشک فرۆش دانە دانە مریشکەکان سەردەبڕێت و مریشکە زیندووەکان بێدەنگی دەکەن بەخاتری ئەوەی خۆیان سەرنەبڕدراون تالەکۆتایدا مریشک فرۆش هەموو مریشکەکان سەردەبڕێت.
