کتێبێکی نوێ لەبارەی سەرۆک بارزانی و رۆژئاوای كوردستان بڵاودەکرێتەوە
كتێبی رۆژئاوای كوردستان.. سەرۆك بارزانی، پشتیوانی و نیگەرانی لە ئاییندە، لە نووسینی ئاسۆ عەلی فەرەج چاپ و بڵاودەكرێتەوە.
نووسەری کێتبەکە ئاسۆ عەلی فەرەج بە خواکوڕکی راگەیاند: “ناوەڕۆکی کتێبەکە هەشت تەوەری جیاواز لەخۆدەگرێت، هەوڵێكە بۆ خستنەڕووی هەڵە و پشتكردنە ئامانجە نەتەوەییەكان لەلایەن گرووپەكانی سەر بە پارتی كرێكارانی كوردستان (پە*كـ.ـە*كە)ەوە، کە بە هاوكاری هەندێك دەوڵەت، دەرفەتی سەركەوتنی ئەزموونی رۆژئاوای كوردستانیان كردە قوربانی ئەجێندای حیزبی خۆیان”.
کتێبەکە لەژێر ناونیشانی “رۆژئاوای كوردستان.. سەرۆك بارزانی، پشتیوانی و نیگەرانی لە ئاییندە”، یە و لە هەشت بەش پێكدێت:
بەشی یەكەمی کتێبەکە پێکدێت لە سێ كورتە تەوەر.
لە بەشی دووەمدا باس لە لێكەوتەی بەهاری عەرەبی دەكات.
بەشی سێیەم باس لە سەرهەڵدانی داعش و پەلامارەكانی بۆ سەر ڕۆژئاوای كوردستان دەكات.
بەشی چوارەم لە بابەتی مەزڵومیەتی گەلی كورد و ڕۆحی خزمەتكاری قووڵبووەتەوە.
بەشی پێنجەمیش بریتییە لە خستنەڕووی زانیاری لەچوارچێوەی (پە*كـ.ـە*كە هێزێكی سەپێنراو) خراوەتەڕوو.
بەشی شەشەم باس لە رێككەوتنە گرنگەكان كراوە.
بەشی حەفتەم بریتییە لە خۆڕادەستكردن بە بەرژەوەندی هەرێمایەتی و نێودەوڵەتی.
بەشی هەشتەم و کۆتایی باس لە خودی سەرۆک بارزانی لە رۆژئاوای كوردستان دەكات.
لە كۆتایی کتێبەکەشدا نووسەر بەڵگە و وێنەی تایبەتی رووداوەكانی نێو ناوەڕۆكی كتێبەكە و لیستی سەرچاوەكانی خستووەتەڕوو.
