دەنگدانی تایبەت لە هەرێمی کوردستان دەستی پێکرد 

ئێستا پرۆسەی دەنگدانی تایبەت بۆ هێزەئەمنییەکان و پێشمەرگەکان لە هەرێمی کوردستان بۆ هەڵبژاردنی خولی شەشەمی پەرلەمانی کوردستان دەستی پێکرد و تاوەکو کاتژمێر 06:00ـی ئێوارە بەردەوام دەبێت.

بەگوێرەی ئاماری کۆمیسیۆنی باڵای سەربەخۆیی هەڵبژاردنەکانی عێراق، لە دەنگدانی تایبەت نزیکەی 216 هەزار دەنگدەر مافی دەنگدانیان هەیە و 197 بنکە کراونەتەوە.

هەروەها دووسبەی یەکشەممەش، 20-10-2024، هەڵبژاردنی گشتی خولی شەشەمی پەرلەمانی کوردستان بەڕێوە دەچێت. کۆمیسیۆنی هەڵبژاردنەکانی عێراق ڕایگەیاندووە، 24 کاتژمێر دوای تەواوبوونی پرۆسەکە، ئەنجامی بەرایی هەڵبژاردن ڕادەگەیەنن.