وەزارەتی سامانەسروشتییەکان داوایەکی بەپەلەی راگەیاند
وەزارەتی سامانەسروشتییەکان رایدەگەیێنێت :” داواکارین به زووترين كات رێگا بە گواستنەوەی سوتەمەنى له بازگەكان بدرێت، تاکو هەردووی وێستگەی تاسلوجە و سلێمانی بەگەڕ بخرێنەوە
لە راگەیاندراوێکدا وەزارەتی سامانە سروشتییەكانی حکومەتی هەرێمی کوردستان رایگەیاند:” لە سەرەتای مانگی تشرینی یەکەمى ئەمساڵ، ڕێگری لە گەیاندنی نەوتی رەش بۆ وێستگەی بەرهەمهێنانی 51 مێگاوات کارەبای تاسڵوجە و وێستگەی بەرهەمهێنانی 29 مێگاوات کارەبای سلێمانی دەکرێت. نەوتەکە لە هەولێرەوە بۆ هەردوو وێستگەکە دەنێردرێت و کارەبای بەرهەمهاتووە دەچێتە ناو تۆڕی کارەباى هەرێم و بەسەر هاوڵاتیان دابەش دەکرێت.
ئەوەشی ئاشکرا کردووە کە وەزارەتی سامانە سروشتییەكان هەوڵێکی زۆری بۆ چارەسەرکردنی ئەم کێشەیە داوە، بەڵام تا ئێستا وەک خۆی ماوەتەوە و چارەسەر نەکراوە و هەردوو وێستگەکە به قەبارەى 80 مێگاوات کارەبا لەکار کەوتوون و زیانی گەورەی بە بەرهەمهێنانی کارەبا گەیاندووە.
وەزارەکە دەشڵێ:” داواكارين به زووترين كات رێگا بە گواستنەوەی سوتەمەنى له بازگەكان بدرێت، تاكو ئەم دوو وێستگەيه جارێکی تر بەگەڕ بخرێنەوە.
