سبەی بە تیروپشک زەوی بەسەر 3 هەزار فەرمانبەری دیکە دابەش دەکرێت
سەرۆکی شارەوانی هەولێر رایدەگەیێنێت، سبەی 3 هەزار پارچە زەوی بە تیروپشک دەدرێتە فەرمانبەران و دوای تیروپشکەکە، ڕاستەوخۆ ڕێککارەکانی بەناوکردنی زەوی دەستپێدەکات’.
کارزان هادی، سەرۆکی شارەوانی هەولێر، گوتی: کاتژمێر 09:00ی سبەی پێنجشەممە، پرۆسەی تیروپشکی زەویی فەرمانبەران لە سەرۆکایەتی شارەوانی هەولێر لەبەرچاوی میدیاکان بەڕێوەدەچێت.
گوتیشی: تیروپشک بۆ سێ هەزار فەرمانبەری سەر بە وەزارەتی شارەوانی، کارەبا، پلاندانان، کار و کاروباری کۆمەڵایەتی دەکرێت، دوای تیروپشکەکە، ڕاستەوخۆ ڕێککارەکانی بەناوکردنی زەوی دەستپێدەکات’.
