سەرۆك بارزانی پێشوازی لە سەرۆكی دەزگەی ئەلمەدا بۆ راگەیاندن و رۆشنبیری و هونەر دەكات

رۆژی چوارشەممە 13ی تشرینی دووەمی 2024 لە سەڵاحەددین سەرۆك مەسعود بارزانی پێشوازی لە بەڕێز فەخری كەریم سەرۆكی دەزگەی ئەلمەدا بۆ راگەیاندن و رۆشنبیری و هونەر كرد.

لە دیدارەكەدا سەرۆكی دەزگەی ئەلمەدا بۆ راگەیاندن و رۆشنبیری و هونەر پیرۆزبایی سەركەوتنی هەڵبژاردنی پەرلەمانی كوردستان و بەشداری بەرچاوی هاووڵاتیان لەو هەڵبژاردنە لە سەرۆك بارزانی كرد و هیوای خواست دەرئەنجامەكانی ئەو هەڵبژاردنە لە خزمەتی سەقامگیری و بووژانەوەی هەرێمی كوردستاندا بێت.

هەر لەو دیدارەدا بیروڕا لەبارەی بارودۆخی سیاسی عێراق و پێشهاتەكانی ناوچەكە ئاڵوگۆڕ كرا.