سەرۆك بارزانی پێشوازی سەرۆکی هاوپەیمانێتی نیشتمانی عێراق و شاندێکی یاوەری دەکات

رۆژی دووشەممە 18ی تشرینی دووەمی 2024 لە سەڵاحەددین سەرۆك مەسعود بارزانی پێشوازی لە بەڕێز ئەیاد عەللاوی سەرۆکی هاوپەیمانێتی نیشتمانی عێراق و شاندێکی یاوەری كرد.

لەدیدارەكەدا بیروڕا لەبارەی هەڵبژاردنی پەرلەمانی كوردستان لە ئۆكتۆبەری رابردوو و هەروەها دوایین پێشهات و گۆڕانكارییەكانی عێراق و ناوچەكە و هەڕەشە و ئاڵنگارییەكانی بەردەم سەقامگیری عێراق ئاڵوگۆڕ كران.